CULTURE Littérature

Konkou Pwovèb Lakay: Yon Inisyativ Pou Valorize Kreyòl Ayisyen an

août 21, 2024
La rédaction

Fanmi Lakay lanse yon Konkou ki ap fèt ak objektif pou ankouraje valè lang kreyòl ayisyen an nan ekriti ak pale. Li se yon opòtinite pou tout Ayisyen, kèlkeswa kote yo ye, pou yo angaje yo nan pratik lang manman yo epi montre lwanj pou pwovèb ki toujou pote mesaj fò nan kilti nou.

Konkou Pwovèb Lakay sa a deja atire plis pase 60 patisipan nan konkou pwovèb sa , pwovèb yo ekri an kreyòl. Pou ede ak pwomosyon konkou sa a, Fanmi Lakay mete sou pye yon ekip solid ki gen ladan l yon 20 tèn anbasadè pou travay san pran souf pou sansibilize moun ak patisipan sou enpòtans konkou a pandan y ap ankouraje plis moun antre ladann.

Konkou a gen pou objektif li pa sèlman fè pwomosyon lang kreyòl ayisyen an, men li vize tou montre enpòtans pou nou pale ak ekri l byen. Li ankouraje chak patisipan montre kapasite yo ak lanmou yo pou pwovèb ki tradwi sajès pèp la.

Patisipan ap sòti ganyan nan konkou sa a. Premye ganyan an ap resevwa yon pri ki monte a $100 US, pandan ke dezyèm lan ap genyen $50 US. Epi tout rès moun ki patisipe nan konkou an ap jwenn yon sètifika remèsiman pou kontribisyon yo nan pwomosyon lang kreyòl lan ,se yon fason pou remèsye yo pou devouman ak talan yo nan ede kenbe flanbo lang kreyòl la limen byen wo.

Konkou Pwovèb Lakay se pa yon ti inisyativ, men yon gwo mouvman pou bay lang kreyòl la tout plas li merite, epi montre jenerasyon k ap vini yo valè kiltirèl nou yo. Se yon okazyon pou kominote ayisyen an soti ansanm epi selebre richès lang ak kilti nou yo.

Si ou pat gentan patisipe kanpay sa a Fanmi lakay envite w , rete konekte ak yo pou dezyèm edisyon an pou fè pati mouvman sa a pou valorize lang kreyòl ayisyen an!

You might also like:

En savoir plus sur Yogann Magazine

Subscribe to get the latest posts sent to your email.